Simula bukas, June 22, ay mag-ooperate na sa bayan ng Odiongan sa Romblon ang kauna-unahang multi-restaurant food delivery service sa buong lalawigan ng Romblon, ito ang HungryBear Food Delivery Services.
Mas pinadali ang pag-order sa iba't ibang restaurant sa Odiongan lalo na ngayong ipinatutupad ang modified general community quarantine sa bayan kung saan kalahati lamang ng mga restaurant ang pwedeng mag dine-in.
Gamit lamang ang application ng HungryBear, pipili nalang ang mga foodlover ng kanilang gustong restaurant at maglalagay lang ng order.
Ayon sa kanilang press release, ang HungryBear ay bukas tuwing Lunes hanggang Sabado mula alas-8 ng umaga hanggang alas-8 ng gabi at tuwing Linggo naman ay bukas sila mula alas-10 ng umaga hanggang alas-8 ng gabi.
Nitong Biyernes, nakipagpulong ang HungryBear kay Mayor Trina Firmalo-Fabic ng bayan ng Odiongan, kung saan natuwa ang alkalde sa mga bagong negosyo na pumapasok sa bayan sa kabila ng pandemya dulot parin ng coronavirus disease 2019 o Covid-19.
Para sa mga gustong mag-order, maaring bisitahin ang kanilang website gamit ang inyong mga smartphones: http://hungrybeardelivery.com/
