Sandamakmak na isda ang nahuli sa Barangay Sawang, Romblon, Romblon pasado alas-8 ng umaga kanina.
Sa video na kuha ni Tessa Ann Falguera, makikita ang mga isda na nagtatalon-talon pa sa dalampasigan habang pinagkakaguluhan ng mga residente sa lugar.
Umaga umano kanina ng makita ng mga mangingisda ang tumpok ng tulingang isda malapit na halos 100 metro lang ang layo sa dalampasigan kaya naglatag sila ng lambat para hindi na bumalik pa sa malalim na bahagi ng dagat ang mga ito.
Unti-unting hinila ng mga kalalakihan ang lambat papunta sa pampang at dito na nagsaya ang mga residente sa lugar.
Sa dami ng isda, ipinamigay nalang ang iba rito habang ang ibang isda naman ay ibentang P120/kilo lamang ang halaga, mas mababa sa normal na bentahan sa palengke.
Paliwanag ni Luisito Manes ng Bureau of Fisheries and Aquatic Resource (BFAR) – Romblon, normal lang umano ito na mangyari lalo na kapag madami ng isda sa isang lugar.
Dagdag ni Manes, hindi rin umano ito related sa ano mang phenomenon dahil wala naman umanong bulkan sa probinsya ng Romblon.
