Sa ospital nag bagong taon ang isang ginang sa bayan ng Odiongan, Romblon matapos siyang tagain ng kanyang asawa noong umaga ng December 31,2019 dahil umano sa pagtatalo na nag-ugat sa selos.
Ayon sa imbestigasyon ng Odiongan Municipal Police Station, bandang alas-4 ng hapon habang natutulog si Vien Rosales sa bahay ng kanyang kaibigan, ay dumating ang asawa nito na si Rolando, at dito na sila nagtalo dahil sa selos.
Walang ano-ano pa ay bigla nalang binatukan ng suspek ang kanyang asawa at di nagtagal ay pinagtataga ang biktima sa iba’t ibang bahagi ng katawan.
Agad namang nakahingi ng tulong ang biktima kaya agad siyang isinugod sa Romblon Provincial Hospital kung saan siya nagpagamot.
Samantala, naaresto naman ng mga tauhan ng Odiongan Municipal Police Station ang suspek na ngayon ay nakakulong na at nahaharap sa kasong Frustrated Parricide.
Sinabi ni Rolando na nagawa niya ang krimen dahil nagseselos umano ito sa kanyang asawa dahil sa hinalang may kalaguyo itong ibang lalaki.
