Tiklo ang isang 24 anyos na college student sa Cajidiocan, Romblon matapos maaktuhan di umano ng mga pulis na bumunot ng baril sa gitna ng cultural program ng Romblon State University – Cajidiocan Campus nitong gabi ng Huwebes.
Ayon sa police report mula sa Romblon Police Provincial Office, bandang 11:50 kagabi, habang nagpapatrolya at nagbibigay ng assistance ang mga pulis ng Cajidiocan Municipal Police Station sa program ng kolehiyo, nakita nila ang suspek na si Jomel Donghit na nanduduro ng kapwa niya estudyante at walang anu-anoy bumunot ng baril.
Agad na ginapos ng mga pulis ang suspek at kinuha ang baril na napagalamang isang caliber .22 revolver o mas kilala sa tawag nilang paltik.
Wala naman umanong bala ang baril na dala ng nakainum na estudyante.
Ayos sa suspek, nakita niya lang umano ang baril at hindi umano ito sakanya.
Nakakulong na ang suspek sa Romblon Provincial Jail sa Romblon, Romblon habang kinakaharap ang kasong Illegal Possession of Firearms.
