Hinikayat ni Ilocos Norte Governor at senatoriable Imee Marcos ang marble industry ng lalawigan ng Romblon na huwag ng lalaban sa mga murang ceramic tiles na nangagaling sa China dahil hindi umano sila kayang tapatan sa presyo.
Yan ang pahayag ni Marcos ng makapanayam ng media nitong Huwebes, April 25, sa bayan ng Looc sa Romblon.
“”Malaking dagok talaga hindi lang sa Romblon kundi sa buong mundo sa marble industry, kasi ‘yung tiles, diba ‘yung tiles na gawa sa China nakapamura at ang dali-dali pang ikabit. So talagang huwag na tayo lumaban sa tiles,” ayon kay Marcos.
“Hindi tayo makakapag-compete sa sobrang mura ng China [tiles],” dagdag pa ni Marcos.
Sinabi ni Marcos na kung sakaling manalo siya sa senado, nais niyang magkaroon ng enquiry para matulunga ng gobyerno ang marble industry lalo na sa lalawigan.
Ang solusyon umanong nakikita ni Marcos ay ang pagbawi nalang sa mga marble na idinaadaan sa high-end sculpturing kung saan pwedeng ibenta ang produkto sa mga bahay.
“Ang gawin nalang natin ‘yung artisanship or ‘yung high end, kumbaga huwag na tayong lumaban sa mga low-end. Gawin nating highly crafted, sculpted items,” aniya.
“I think we can definetly do something about that, alam natin ‘yung DTI at ‘yung iba pang departments of gov't, patingnan natin, patutukan natin kung kailangan pa ng batas na talagan tutulungan at magbibigay tayo ng marble authority ay gawin na natin,” sinabi ni Marcos.
“May construction boom ang Pilipinas pero bakit hindi nakikinabang ang marble ng Romblon?” iniwan na tanong ni Marcos.
