Hinikayat ni Ilocos Norte Governor Imee Marcos ang gobyerno na madaliin ang paggawa ng sistema kung saan dapat makuha ng mga local government unit ang kanilang 40% share sa national taxes.
Ito ay kasunod ng maglabas ang Supreme Court ng desisyon kaugnay sa nasabing issue.
Sa statement nitong Martes ni Marcos, na tumatakbo sa pagka-Senador, sinabi nito na tama lang na taasan ang Internal Revenue Allotment (IRA) ng local government units (LGUs) sa susunod na taon sa pamamagitan ng pagdagdag ng national taxes.
“Our LGUs have been deprived for the longest time of their ‘just share’ on their Internal Revenue Allotment computed based on all national taxes and not just from national internal revenue taxes,” pahayag ni Marcos base sa report ng Inquirer.
Batay sa desisyon ng Supreme Court noong 2018, ang mga LGU dapat ay may share sa nakukuhang buwis ng national alinsunod sa R.A. 7160 o ang Local Government Code.
