Sinimulan ng ipatupad ngayong araw ng Department of Labor and Employment (DOLE) ang dagdag umento sa sahod sa probinsya ng Romblon matapos ang inaprubahang wage hike sa MIMAROPA ng Regional Tripartite Wages and Productivity Board (RTWPB).
Batay sa bagong minimum wage na ipinapairal nila simula ngayong araw, ang mga employer na may 10-pababang empleyado ay dapat magbigay ng P283/araw minimum wage at PhP 320/araw naman ang dapat ibigay kung ang employer ay may 10-pataas na mga empleyado mula sa dating P271-P300/araw na minimum wage.
Matatandaan na ang nasabing wage hike ay sa Mimaropa region ay inanunsyo ni DOLE Secretary Silvestre Bello III sa isang press briefing noong ika-5 ng Nobyembre batay sa Wage Order No. RB-Mimaropa-09 na inaprubahan ng RTWPB noong nakaraang buwan sa Lungsod ng Calapan.
