Libo-libo na ang mga naging biktima ng mga illegal recruiters, middleman, ahente o mga mismong agency na kung tutuusin ay lisensyado rin naman ng POEA. Tila walang katapusan ang isyung ito at paulit-ulit lamang. Talamak pa rin ang contract substitution at breach of contract sa parte ng employer, halimbawa na lang ang hindi pagsunod sa nakasaad na pasahod o kaya ay nature ng trabaho.
Nitong huli nga, nauso na rin ang mga tinatawag na ”cleaners' o mga cleaning company, pero ang nangyayari pagdating sa job site (country) e, supply lang pala, gagawing on-call ang mga cleaners. Papupuntahin sa bahay ng customer alas 9:00 ng gabi, tapos re-reypin pa.
Nakakalungkot at nakakagalit nga talagang malaman, pati sarili nating kababayan ay biktima ng ganitong modus – ang tinatawag na social dumping. (Read: 2 Romblomanon, kasama sa mga nailigtas na biktima ng ‘Social Dumping' sa Denmark)
Sabi ko nga, hindi lamang sila kabayan ang mga biktima nito, at hindi lang na ang ganitong estorya ay nangyayari lamang sa ngayon. Noon pa po ito.
Bakit tila walang humpay ang modus nitong mga agencies mambiktima ng mga kababayan na ang hangad lang naman ay maiangat ang kabuhayan ng pamilya, kahit pa ang katumbas nito ay ang malayo at mga mahal sa buhay? Pero kapag naging biktima, tila impyerno ang kinalagpakan, minsan nasisira pa ang pamilya. Hindi lang isang tao, kundi buong pamilya ay biktima.
Dahil tila walang ngipin ang batas kontra sa mga illegal recruiters. Biruin mo nga naman, ang parusa sa mga illegal recruiters ay di lang lalagpas sa 12 taon o multa na di tataas sa 500,000 pesos. Ibang kaso yung sa mga sinasabi na may dulot na ‘economic sabotage' na habang buhay na pagkakabilanggo din naman sana ang parusa at multa na di tataas sa isang milyong peso. Abah, tong part 2 na to na kako e economic sabotage, masyadong malalim na ito, at tila mahirap din madiin ang salarin.
Samantalang yung simpleng pambibiktima, kung tutuusin dapat gawin na yang life imprisonment, o kung may death penalty na, aba'y isama na ang mga yan.
Panawagan naman natin sa ating mga kababayan, mag-ingat palagi sa mga illegal recruiters na ito.
