May aabot sa 4 na bahay sa Barangay Agnocnoc sa bayan ng Ferrol, Romblon ang nawalan ng kuryente ngayong gabi matapos na tumama malapit sa kanila ang isang malakas na kidlat.
Ayon sa mga residente sa lugar, bandang 6:30 ngayong gabi ng tumama ang malakas na kidlat sa malapit sa kanilang mga bahay bago umalan ng malakas.
Wala naman umanong nasaktan na isa sa mga residente ng lugar ngunit nagdulot umano ito ng pinsala sa ilan nilang appliances. Sa isa sa mga residente na nakausap ng Romblon News Network, nasunog umano ang kanilang TV at isang plantsa.
Nasira rin ang mga fuse sa kuryente ng nasabing mga bahay.
