Sugatan ang isang pulis at dalawang lalaki matapos masangkot sa isang aksidente sa kalsada nitong Miyerkules ng hapon sa Barangay Liwanag, Odiongan, Romblon.
Kinilala ang pulis na sangkot na si SPO3 Allan Fruelda, nagmamaneho ng isang Hinda XRM na motorsiklo, habang ang dalawang sakay ng isang motor na sangkot ay sina Jonel Fajilan Fallarcuna, 32, driver; at Penly Meroy Arcasitas, 21.
Batay sa imbestigasyon ng Odiongan Municipal Police Station, patungo na ng town proper ang patakbo ni Fruelda ng bigla umanong masalpok ito sa likod ng motor nina Fallarcuna at Arcasitas.
Tumilapon ang tatlo at nagtamo ng sugat kaya agad na dinala sa Romblon Provincial Hospital.
Walang helmet ang tatlong sangkot at ayon sa spot report ng Odiongan Municipal Police Station na pirmado ni Police Senior Inspector Kenneth Ding Gutierrez, amoy alak umano si Fallarcuna nang makausap ng kanilang imbestigador.
