Isang mangingisda ang patuloy na pinaghahanap ng Philippine Coast Guard sa San Fernando, Romblon matapos pumalaot nitong madaling araw ng Martes, January 23.
Kinilala ang nawawalang lalaki na si Arlan Rodaje Royo, residente ng Barangay Mabini ng nasabing bayan.
Ayon sa pamilya ng nawawalang lalaki, pumalaot umano ito alas-4 nitong Martes ngunit hanggang ngayong Miyerkules ay hindi parin nakakabalik sa kanila.
Nitong umaga ng Miyerkules ay natagpuan sa Barangay Agtiwa ang sinakyang bangka ni Royo ngunit wala na umano siya rito.
Umaasa parin ang pamilya ni Royo na makikita nilang muli ito.
Sa mga makakita kay Royo, maari umanong lumapit sa pinakamalapit na istasyon ng pulisya sa inyong lugar.
