Bilang bahagi ng balasahan ng Philippine National Police sa ilan nitong police official, uupo bilang bagong Regional Director ng Police Regional Office 4B si Police Chief Supt. Emmanuel Luis Licup, dating Deputy Director for Operations ng PNP Directorate for Operations.
Makikipagpalitan ng pwesto si Licup sa dating hepe ng PRO-4B na si Police Chief Supt. Wilben Mayor.
Sa araw ng Lunes, January 22, gaganapin ang simple turn-over ceremony ng command sa Camp Gen. Efigenio C Navarro, Calapan City, Oriental Mindoro.
Sa inilabas na direktiba ng tanggapan ng Deputy Chief for Operation, simula nitong January 18, ay epektibo na ang kanyang utos sa pagpalitan nina Licup at Mayor, kabilang ang mahigit 10 pang ranking officials ng Philippine National Police.
