Naaresto sa San Mateo, Rizal ng mga tauhan ng Ferrol Municipal Police Station, Romblon Provincial Inteligence Branch, at CIDG Romblon ang lalaking wanted sa bayan ng Ferrol, Romblon dahil sa kasong attempted homicide.
Kinilala ang suspek na si Dante Bansoli, 36, residente ng Barangay Agnocnoc sa nasabing bayan.
Nitong June 20 naaresto si Bansoli at ngayon ay nasa Odiongan District Jail na sa Odiongan para ikulong habang nililitis ang kanyang kaso.
ADVERTISEMENT
Ayon sa Ferrol Municipal Police Station, si Bansoli ay No. 5 Most Wanted Person ng Ferrol MPS dahil sa pagtatago umano sa batas magmula noong September 2004, araw kung saan inilabas ang warrant of arrest laban sa kanya.
Hindi nagbigay ng pahayag ang suspek.
