Inagurahan na sa bayan ng Ferrol ang bagong tayong Senior High School Building ng Ferrol National High School ngayong araw.
Panauhing pandangal sa inagurasyon ang dating Congressman ng lalawigan ng Romblon na si Atty. Eleandro Jesus Madrona na nagbigay rin ng kanyang maikling mensahe sa mga estudyante ng nasabing paaralan.
Dumalo rin sa inagurasyon ang mga kawani ng Department of Education Division of Romblon, mga opisyal ng Local Government ng Ferrol kasama ang mga Barangay officers, mga guro at estudyante, at mga kapulisan.
Ang nasabing two-storey building ay makakatulong umano lalo na sa dumaraming populasyon ng mga estudyante ng Ferrol National High School lalo pa ngayong full implementation na ang K-12 program ng gobyerno.
