Naaresto ng pwersa ng Naujan Municipal Police Station, Provincial Itelligence Branch Oriental Mindoro, Provincial Public Safety Company Oriental Mindoro Focus Team, Criminal Investigation and Detection Group 4B at Regional Anti Illegal Drugs Special Operatives Task Group ang isa fire officer ng Victoria Fire Station sa Naujan, Oriental Mindoro.
Kinilala ang suspek na si FO2 Elbert Caringal, 38-taong gulang, at residente ng Barangay Gutad, Calapan City, Oriental Mindoro, at kasalukuyang miyembro ng Bureau of Fire Protection.
Nakuha sa possession ng suspek ang anim (6) na pakete ng heat-sealed plastic sachets na may laman di umanong shabu, isang pirasong lighter, 3 pirasong strip aluminum foil, 1/8 sheet ng coupon bond, at ang marked money na ginamit sa operasyon.
Ayon kay Police Supt. Imelda Vasquez Tolentino, Chief, Regional Public Information Office ng PNP-MIMAROPA; nadakip na noong 2012 ang suspek sa parehong kaso.
Isa rin umano ang suspek sa mga nakalistang high value target ng PRO MIMAROPA Regional Level.
Nakakulong na ang suspek sa Naujan Municipal Police Station.
