Pinangunahan ni Police Chief Superintendent Wilben Mayor, Acting Regional Director ng PNP Regional Office MIMAROPA ang pag turn-over ng 17 bagong patrol cars sa ilang opisina ng PNP sa buong MIMAROPA kahapon
Ipinamahagi ito sa ginanap na Culminating Activity ng 21st Police Community Relations Month Celebration na may temang “Matatag na Ugnayan, Ligtas na Pamayanan” sa Camp Efigenio C Navarro, Calapan City Oriental Mindoro.
Ang nasabing 17 units ng patrol car ay bagong 2016 Model Mahindra Scorpio.
Ang mga opisinang nakatanggap ay ang Office of the Regional Director, Deputy Regional Director for Administration, Deputy Regional Director for Operations, Regional Logistics Division, Regional Communication and Electronics Office 4B, Regional Engineering Office 4B, Regional Finance Service Office 4B, Regional Internal Affairs Service 4B, Regional Special Training Unit 4B, Regional Intelligence Unit 4B, Regional Criminal Investigation and Detection Unit 4B, Puerto Galera Tourist Police Unit, Palawan Provincial Police Office at Puerto Princesa City Police Office.
Kasabay ng pagbibigay ng mga bagong sasakyan, nakatanggap rin ng plaque of recognition ang ilang pulis bilang bahagi ng nasabing programa.
Sa talumpati ni Police Chief Superintendent Wilben Mayor sinabi nitong ingatan sana ng mga personel ang mga gamit na ipinagkaloob sa PRO MIMAROPA ng gobyerno.
