by Bebito Gado, Romblon News with reports from Paul Jaysent Fos | Monday, 04 July 2016
Umapaw ang isang palaisdaan sa bayan ng Ferrol kahapon, July 3, dahil sa tuloy-tuloy na naranasang pag-uulan sa lugar mula umaga hanggang magtanghali.
Ayon sa mga residente ng Barangay Agnocnoc, Ferrol, nagsabay ang hightide at ang baha kaya tumaas ang tubig sa lugar.
Ilang palayin rin sa Barangay Anahao sa Odiongan ang nalubog sa tubig.
Ilang residente rin ang na stranded sa kalsada matapos na malubog sa tubig ang daanan papunta sa kanilang sitio.
Pinangangambahan ring maraming nasirang binhi ng palay matapos itong malubog sa tubig baha.
Reklamo ng mga residente, maliit umano ang daluyan ng tubig kaya kapag bumabaha sa lugar ay matagal humupa.
