Bilang tulong sa mga senior high school student sa anim na adopted schools ng Lingkod Kapamilya ng ABS-CBN sa Romblon, nagsagawa sila ng Career Coaching Activity nitong February 10 hanggang 11, sa pakikipatulungan ng Department of Education – Division of Romblon.
Ang nasabing programa ay bahagi ng ‘Programa Genio', kung saan sila ay nakikipatulungan sa mga pampublikong paaralan at komunidad upang matuklasan ang likas na genio o henyo sa bawat bata.
Ayon sa DepEd-Romblon, unang batch palang o apat palang sa anim na school ang kanilang nabibisita sa loob ng dalawang araw.
Ito ay ang mga paaralan ng Sta Maria National High School, Carmen National High School, Ferrol National High School at San Andres National High School.
Layunin ng Career Coaching Activity na magkaroon ng kamalayan ang mga batang magtatapos ng senior high school student kung ano ang nararapat o dapat nilang tahakin landas pagdating ng kolehiyo.
Sa darating na February 17 hanggang 18, babalik ang grupo sa pangunguna ni Maricar Estole at Prof. Melanie Donkor sa Romblon para tapusin ang Career Coaching Activity sa natitirang dalawang paaralan: Calatrava National High School at Santa Fe National High School.
