Nag-ulat ng paghina ng bentahan ang ilang maliliit na negosyante sa bayan ng Odiongan kasunod ng pagbubukas ng bagong shopping center sa labas ng Odiongan Public Market.
Ayon sa ilang may-ari ng mga tindahan ng dry goods sa pampublikong pamilihan, bumaba umano ang kanilang benta mula nang magbukas ang shopping center na nag-aalok ng iba't ibang produkto at pangunahing pangangailangan ng mga mamimili.
Ibinahagi rin ng ilang may-ari ng mga kainan sa bayan na nabawasan ang kanilang mga customer, na karamihan ay mga estudyante.
Anila, maging pagsapit ng alas-10 ng umaga, na karaniwang oras ng pagdami ng kanilang mga customer, ay kakaunti pa rin umano ang kumakain sa kanilang mga establisimyento.
Batay sa salaysay ng mga negosyante, kapansin-pansin ang pagbaba ng bilang ng mga mamimili sa kanilang mga tindahan at kainan matapos magbukas ang bagong shopping center.


























