Isinagawa ang groundbreaking ceremony para sa Construction Improvement of the Magsaysay Local Access Road sa Municipality of Santa Fe, Romblon bilang bahagi ng pagpapatupad ng isang infrastructure project na pinondohan sa ilalim ng Local Government Support Fund–Growth Equity Fund (LGSF-GEF).
Layunin ng LGSF-GEF na suportahan ang mga infrastructure project ng mga lokal na pamahalaan.
Dumalo sa seremonya sina DILG Regional Director Rey Maranan at Assistant Regional Director Juanito Olave sa groundbreaking ceremony ng nasabing kaslada.
Nakiisa rin sa aktibidad ang mga municipal official at department head ng Municipality of Santa Fe.
Inaasahang mapapabuti ng proyekto ang road access patungo sa Guinbirayan at ang koneksyon patungo sa Sanitary Landfill at Municipal Evacuation Facility kapag nakumpleto na ang konstruksyon.
Bukod sa pagpapadali ng transportasyon at pagbiyahe, inaasahang makatutulong ang proyekto sa mas ligtas at episyenteng paghahatid ng mga pangunahing serbisyo sa mga residente.
Ang groundbreaking ceremony ang nagsilbing panimulang hakbang sa pagpapatupad ng proyekto at nagtipon sa lokal na pamahalaan at mga kaukulang ahensya para sa pagpapaunlad ng imprastraktura at road accessibility sa Santa Fe.
