Dalawang mangingisda ang inaresto ng mga tauhan ng Coast Guard Sub-Station (CGSS) Cajidiocan matapos umanong mahuling nangingisda habang gamit ang compressor sa karagatan ng Barangay Marigondon, Cajidiocan, Romblon noong Agosto 16, 2026.
Gumagamit umano ang mga ito ng compressor bilang underwater breathing apparatus sa kanilang aktibidad sa pangingisda.
Nakumpiska ng Coast Guard ang motorbanca at mga fishing equipment na ginamit sa naturang aktibidad, na may tinatayang kabuuang halaga na ₱38,800.
Dinala sa CGSS Cajidiocan ang dalawang mangingisda, kasama ang motorbanca at mga nakumpiskang kagamitan, para sa dokumentasyon at kaukulang administrative action. Paglabag sa Comprehensive Fishery Ordinance ng bayan ang mahaharap na multa ng dalawa.
