Opisyal nang nagbukas ang Rende’s Lechon ng bagong branch nito sa bayan ng Odiongan, na nagdadagdag sa mga pagpipilian ng mga residente para sa inihaw at lechon na pagkain.
Nagmula sa bayan ng San Agustin, kilala ang Rende’s Lechon sa malutong na balat at makatas na karne ng kanilang mga produkto.
Kabilang sa inaalok nila ang lechon manok, pork liempo, at lechon belly na karaniwang hinahanap sa mga handaan at salu-salo.
Matatagpuan ang bagong pwesto sa JP Laurel Street, Barangay Liwayway, kung saan araw-araw na naghahain ng bagong lutong pagkain mula alas-10 ng umaga hanggang alas-7 ng gabi.
Ayon sa pamunuan, layunin ng kanilang pagpapalawak na maihatid ang kanilang produkto sa mas maraming komunidad sa lalawigan ng Romblon sa pamamagitan ng pagpapanatili ng kalidad at pagiging sariwa ng kanilang mga pagkain.
Discussion about this post