Hindi na kailangang pumunta ng Tablas Island ang mga residente ng Sibuyan Island sa Romblon para lang mag-aral sa mga kursong handog ng Technical Education and Skills Development Authority (TESDA) dahil malapit nang itayo sa bayan ng Magdiwang ang isang branch ng Provincial Training Center ng ahensya.
Personal na binisita ni TESDA Mimaropa Regional Director Dante J. Navarro kahapon ang lugar na pagtatayuan ng training center kasama ang mga kawani ng TESDA Romblon.
Iba't ibang kurso na magbibigay ng National Certificate ang pwede kunin sa training center na ito kapag natapos nang itayo ito.
Samantala, dinaluhan rin ni Director Navaro ang pagtatapos ng mga nag-aral ng iba't ibang kurso sa TESDA kagaya ng mga may kinalaman sa organic farming sa ginanap na commencement excercise sa parehong bayan.
Sa talumpati ay nagpasalamat ito sa lokal na pamahalaan ng Magdiwang sa patuloy na pagsuporta sa ahensya.
