May madadaanan na pagtatawid ng ilog ang mga residente ng Sitio Bagong-Anyo at Malipayon sa Barangay Tuburan sa Odiongan, Romblon matapos pasinayaan kamakailan ng lokal na pamahalaan ang bagong tayong hanging bridge sa lugar.
Ang konstruksyon sa nasabing hanging bridge ay pinondohan gamit ang 20% Annual Development Program (ADP) funds ng LGU Odiongan para sa taong 2021.
Ayon sa mga residente ng lugar, kung noon umano ay nahihirapan sila tumawid lalo na kung umuulan dahil mataas ang tubig, ngayon ay madali nalang at sigurado pang ligtas sila dahil sa magandang desenyo ng nasabing tulay na may haba na mahigit 30 metro.
Pinangunahan ng mga matataas na opisyal ng Odiongan at ng Barangay ang nasabing pagpapasinaya.
