by Paul Jaysent Fos, Romblon News | Friday, 26 February 2016
Hinuli ng mga tauhan ng Odiongan Municipal Police Station at Romblon Provincial Public Safety Company ang isang 56 years old na babae sa bayan ng Odiongan kaninang hapon.
Ikinasa ng mga awtoridad ang operasyon pasado alas 2 ng hapon at tinungo ang bahay ng subject na si Bema Fallarna na matagal nang may warrant of arrest sa RTC Branch 82 dahil sa paglabag sa Section 11 ng Republic Act 9165.
Ayon kay Police Senior Inspector Alvimar Flores, Chief of Police ng Odiongan MPS, bahagi ang operasyon nang pinaigting na Oplan Lambat-Sibat.
Maari siyang makalaya kung makapag pyansa ng halagang P200,000.00.
Ikukulong ang suspek sa Odiongan District Jail sa bisa ng commitment order na inilabas ni Hon. Judge Ramiro Geronimo kanina.
