Itinatag ng Regional Disaster Risk Reduction and Management Council (RDRRMC) MIMAROPA ang MIMAROPA Regional El Niño Task Force upang palakasin ang koordinasyon at paghahanda ng rehiyon sa patuloy na El Niño.
Inaprubahan ang RDRRMC Resolution No. 04, s. 2026 sa isinagawang 3rd Quarter RDRRMC MIMAROPA Full Council Meeting noong September 24, 2026 sa Sotogrande Hotel and Convention Center sa Bauan, Batangas.
Magsisilbi ang Task Force bilang integrating mechanism ng Council para sa mga hakbang sa anticipation, mitigation, preparedness, response at early recovery kaugnay ng El Niño sa MIMAROPA.
Ang pagbuo nito ay alinsunod sa NDRRMC Memorandum No. 131, s. 2026, na nag-uutos sa mga ahensya ng pamahalaan at Regional DRRM Councils na maagap na ipatupad ang mga paghahanda at intervention para sa El Niño, partikular sa food security, water security, health security, energy security at public safety.
Ayon kay DOST-PAGASA Weather Specialist Guile Saligo, nasa El Niño Conditions ang ENSO Alert System noong September 23, 2026, kung saan may malakas na El Niño sa Tropical Pacific.
Batay sa mga climate model, inaasahang magpapatuloy ang kasalukuyang El Niño hanggang sa unang bahagi ng 2027 at maaaring umabot sa very strong state pagsapit ng pagtatapos ng 2026.
Batay naman sa Dry Condition, Dry Spell and Drought Assessment and Outlook, inaasahang makaranas ang buong MIMAROPA Region ng Potential for Dry Condition pagsapit ng katapusan ng October 2026.
Maaari itong umabot sa Potential for Dry Spell mula sa katapusan ng November hanggang December 2026, at Potential for Drought mula January hanggang March 2027.
Sa pamamagitan ng Task Force, pangungunahan ng RDRRMC MIMAROPA ang koordinadong monitoring, pagpaplano, resource mobilization at pagpapatupad ng mga intervention para sa mga komunidad na posibleng maapektuhan o nasa panganib dahil sa El Niño.
Discussion about this post