Inanunsyo na ng National Basketball Association (NBA) ang mga laro para sa Opening Night ng 2026-2027 season na nakatakda sa Oktubre 21, 2026.
Sa unang laro ng bagong season, maghaharap ang Boston Celtics at Detroit Pistons sa Little Caesars Arena, home court ng Pistons.
Susundan ito ng laban ng New York Knicks at Philadelphia 76ers sa Madison Square Garden, kung saan sisimulan ng Knicks ang kanilang title defense.
Maghaharap din ang Oklahoma City Thunder at San Antonio Spurs sa Frost Bank Center, home court ng Spurs.
Maraming koponan ang gumawa ng player movements sa offseason upang palakasin ang kanilang mga roster. Kabilang dito ang Philadelphia 76ers, Miami Heat at Minnesota Timberwolves.
Mananatili namang kasama sa Knicks sina Jalen Brunson at Karl-Anthony Towns, habang pangungunahan pa rin nina Shai Gilgeous-Alexander, Chet Holmgren at Alex Caruso ang Oklahoma City Thunder.
Sa San Antonio Spurs, patuloy na magiging bahagi ng koponan si Victor Wembanyama matapos pumirma ng five-year contract extension.
Magdadagdag din ng interes sa bagong season ang mga rookie na napili sa NBA Draft, kabilang sina AJ Dybantsa ng Washington Wizards, Darryn Peterson ng Utah Jazz, Cameron Boozer ng Memphis Grizzlies, Caleb Wilson ng Chicago Bulls at Keaton Wagler ng Los Angeles Clippers.
Inaasahang magkakaroon pa ng iba pang player movements habang nagpapatuloy ang offseason bago tuluyang magsimula ang 2026-2027 NBA season.
Mapapanood ang mga laro ng NBA sa ESPN, NBA TV, Peacock, ABC at NBC Sports Network, habang sa Pilipinas ay available ang mga laro sa Prime Video, Disney+ at NBA League Pass.
Discussion about this post