Nagpasalamat si Governor Trina Firmalo-Fabic sa mga miyembro ng Sangguniang Panlalawigan ng Romblon matapos nilang nagkakaisang aprubahan ang resolusyong tumututol sa lahat ng large-scale metallic mining activities sa Sibuyan Island.
Sa isang pahayag, pinuri ng gobernador ang paninindigan ng mga miyembro ng Sangguniang Panlalawigan sa pagsuporta sa panawagan ng mga Romblomanon na mapangalagaan ang likas na yaman ng isla.
“Nagpapasalamat tayo sa prinsipyo at pakikiisa sa taongbayan ng mga Sangguniang Panlalawigan Members ng Probinsya ng Romblon sa kanilang pagpasa ng resolution na tumututol sa pagkakaroon ng large-scale metallic mining activity sa Sibuyan Island. Maraming, maraming salamat po!” ani Fabic.
Matatandaang noong Hulyo 31 ay nagkaisang inaprubahan ng Sangguniang Panlalawigan ang isang resolusyon na humihiling kay Pangulong Ferdinand R. Marcos Jr. at sa Kongreso ng Pilipinas na ideklara ang Sibuyan Island bilang large-scale mining-free.
Kasama rin sa resolusyon ang panawagan kay Department of Environment and Natural Resources (DENR) Secretary Juan Miguel Cuna na agad repasuhin at bawiin ang lahat ng umiiral na mining agreements, operasyon, at aplikasyon para sa pagmimina sa loob ng teritoryo ng Sibuyan Island.
Discussion about this post