Pinangunahan ng Southern Luzon PAGASA Regional Services Division (SLPRSD), katuwang ang Pamahalaang Panlalawigan ng Romblon at ang Provincial Disaster Risk Reduction and Management Office (PDRRMO), ang pagsasagawa ng 2026 Information, Education, and Communication (IEC) Campaign at Flood Drill sa bayan ng Odiongan noong Hulyo 23.
Layunin ng aktibidad na palakasin ang kahandaan ng mga lokal na pamahalaan, mga responder, at mga komunidad sa pagharap sa pagbaha at iba pang kalamidad sa pamamagitan ng pagpapalawak ng kaalaman sa mga panganib dulot ng matinding pag-ulan at pagbaha.
Kasama rin sa programa ang pagsasagawa ng flood drill upang masubukan at higit pang mapaigting ang koordinasyon at tamang pagtugon ng mga ahensya at komunidad sakaling magkaroon ng aktuwal na pagbaha o iba pang emerhensiya.
Ayon sa mga organizer, mahalaga ang regular na pagsasagawa ng mga Information, Education, and Communication campaign at simulation exercises upang maging pamilyar ang publiko sa mga tamang hakbang bago, habang, at pagkatapos ng sakuna.
Inaasahan naman ng PAGASA, Pamahalaang Panlalawigan ng Romblon, at PDRRMO na sa pamamagitan ng naturang aktibidad ay higit pang mapatatag ang kahandaan ng mga komunidad at mababawasan ang panganib sa buhay at ari-arian sa panahon ng kalamidad.
Discussion about this post