Nagpaabot ng agarang tulong ang Pamahalaang Lokal ng Odiongan sa solo parent na si Milly Fetalver ng Barangay Pato-o na nawalan ng tahanan matapos masunugan noong Sabado.
Pinagkalooban si Fetalver ng food pack, family kit, at shelter repair kit upang matugunan ang kanyang agarang pangangailangan habang nagsisimula siyang makabangon mula sa insidente.
Ayon sa lokal na pamahalaan, isinasagawa na rin ang kaukulang assessment para sa karagdagang ayuda, kabilang ang pamamahagi ng yero na gagamitin sa pagkukumpuni ng kanyang nasunog na bahay.
Bahagi ang agarang pagtugon ng LGU Odiongan sa patuloy nitong pagbibigay ng tulong sa mga residenteng naapektuhan ng kalamidad at iba pang sakuna sa bayan.
