Natagpuang buhay ang isang lalaking walong araw na iniulat na nawawala sa bayan ng Concepcion, Romblon matapos ang malawakang search and rescue operation na isinagawa ng mga awtoridad at mga volunteer.
Ayon sa Romblon Police Provincial Office (RPPO), natagpuan si lalaki noong July 29 sa ilalim ng isang tulay sa Sitio Hulo sa Barangay Calabasahan.
Isang residente ang nakadiskubre sa lalake matapos nitong silipin ang ilalim ng tulay. Agad siyang nailigtas at ligtas na naibalik sa kanyang pamilya.
Ayon sa pulisya, isang Bibliya lamang ang dala ni Atillano nang siya ay matagpuan. Wala na sa kanyang pag-iingat ang bag na umano'y dala niya bago siya nawala.
Patuloy namang nakikipag-ugnayan ang mga awtoridad sa iba pang kaukulang ahensya upang matukoy ang mga pangyayari at dahilan ng pagkawala ni Atillano.
Kaagad umanong nagsagawa ng search and rescue operation ang Concepcion Municipal Police Station matapos matanggap ang ulat tungkol sa kanyang pagkawala.
Nakiisa rin sa walong araw na operasyon ang Municipal Disaster Risk Reduction and Management Office (MDRRMO), Philippine Coast Guard, Bureau of Fire Protection, lokal na pamahalaan, mga opisyal ng barangay ng San Pedro at Calabasahan, gayundin ang mga volunteer at mga residente ng Concepcion.
Discussion about this post