Magdadaos ng isang 2-day Chess Festival Tournament ang Cajidiocan National High School (CNHS) Chess Club sa darating na Enero 24–25, 2026 sa Audio Visual Room ng CNHS Campus sa bayan ng Cajidiocan, Romblon. Ang torneo ay bukas para sa lahat ng mga Sibuyanon, mga residente ng lalawigan ng Romblon, gayundin sa mga taga-Romblon na kasalukuyang naninirahan sa ibang lugar.
Nahahati ang torneo sa tatlong kategorya: Under 12 (Kiddie Division), Under 18 (Junior Division), at Open Division.
Para sa Under 12 Division, ang tatanghaling kampeon ay tatanggap ng P1,000, chess clock, at tropeo. Ang ikalawang puwesto ay tatanggap ng P900, chess set, at medalya; ang ikatlong puwesto ay P800, chess set, at medalya; ang ikaapat na puwesto ay P700 at medalya; ang ikalimang puwesto ay P600 at medalya; habang ang ika-6 hanggang ika-10 puwesto ay tatanggap ng tig-P500 at medalya. Mayroon ding premyong P300 at medalya para sa Top Female.
Sa Under 18 Division, ang kampeon ay tatanggap ng P1,000, chess clock, at tropeo. Ang ikalawang puwesto ay may P900, chess set, at medalya; ang ikatlong puwesto ay P800, chess set, at medalya; ang ikaapat na puwesto ay P700 at medalya; ang ikalimang puwesto ay P600 at medalya; ang ika-6 hanggang ika-10 puwesto ay may tig-P500 at medalya; at ang Top Female ay tatanggap ng P300 at medalya.
Para naman sa Open Division, ang kampeon ay tatanggap ng P5,000 at tropeo; ang ikalawang puwesto ay P4,000 at tropeo; ang ikatlong puwesto ay P3,000 at tropeo; ang ikaapat na puwesto ay P2,000 at medalya; ang ikalimang puwesto ay P1,000 at medalya; ang ika-6 hanggang ika-10 puwesto ay may tig-P500 at medalya; habang ang ika-11 hanggang ika-15 puwesto ay tatanggap ng P300 bawat isa.
Gagamit ang torneo ng 7-round Swiss system na may 15-minute time control at 3-second increment. Gaganapin sa Day 1 ang mga laban para sa Kiddie at Junior Division, habang sa Day 2 naman ang Open Division.
Ilang chess tournament na rin ang naisagawa sa bayan ng Cajidiocan sa mga nakaraang taon, subalit ito ang unang pagkakataon na ang CNHS Chess Club ang mismong nag-organisa ng naturang paligsahan. Layunin ng torneo na matukoy at mahubog ang mga batang chess players na may potensiyal na makasali sa mga pambansa at pandaigdigang kompetisyon.
Nagpaabot ng pasasalamat ang CNHS Chess Club President na si MJ Repizo sa mga inaasahang lalahok at sa mga sumuporta sa pagsasakatuparan ng torneo. Sa kanyang pahayag, inimbitahan niya ang publiko na makilahok sa 1st CHESSTIVAL ng Cajidiocan National High School at kinilala ang suporta ng paaralan, mga guro, sponsors, at alumni, partikular kina Sir Lorex at Ma’am Joanne.
Para sa mga nais sumali, ang registration fee ay P300, na may kasamang lunch at snacks. Maaaring makipag-ugnayan kina Joanne Faminial sa 0907-259-2392 at Lorex Rio sa 0976-171-8471 para sa karagdagang detalye.
Ayon sa CNHS Chess Club, inaasahan ding maisasagawa pa ang mas malalaking chess tournaments sa hinaharap bilang bahagi ng kanilang layuning makapaglinang ng mga manlalaro mula sa Romblon na maaaring makilala sa mas mataas na antas ng kompetisyon.
