Isang lalaki sa Odiongan, Romblon ang naaresto matapos ang isinagawang anti-illegal drug buy-bust operation sa Sitio Bagong Sikat, Barangay Anahao, Odiongan, Romblon kagabi.
Kinilala ang naaresto na si alyas A, 43, residente ng Barangay Batiano.
Ayon sa ulat ng Romblon Police Provincial Office, nakuha di umano sa posisyon ng suspek ang may sampung piraso ng heat sealed plastic sachet na naglalaman ng pinaghihinalaang ilegal shabu, pera, at isang coin purse. Tinatayang nagkakahalaga ng halos P20,000 ang mga nakuha sa suspek.
Isinagawa ang operasyon sa pakikipagtulungan ng iba't ibang unit ng Philippine National Police at ng Philippine Drug Enforcement Agency.
Ang suspek ay nahaharap sa paglabag sa Republic Act 9165 o Comprehensive Dangerous Drugs Act of 2002.
