Tiklo ang isang 20 anyos na lineman matapos itong maakuhan ng mga tauhan ng pulisya na naglalaro ng tupada sa Barangay Anahao noong Linggo ng hapon.
Sa ulat ng Odiongan Municipal Police Station, nakatanggap sila ng tip na may nagaganap na iligal na cockfighting activity sa lugar kaya agad silang nagsagawa ng raid kasama ang ibang operatiba ng Philippine National Police.
Pagdating nila sa lugar, nagsitakbuhan ang maraming mga tao na naglalaro pero naiwan at nahuli ang isa sa mga naglalaro.
Nakatakas naman ang dalawa pang lalaki na kinilala ng mga kapulisan na residente rin ng parehong lugar.
Nakuha sa nahuling suspek ang dalawang manok, bag, tari, pera at iba pang gamit sa paglalaro. Ayon sa nahuling suspek, wala umano silang permit o lisensya para magsagawa ng aktibidad.
Nakakulong na ngayon ito at nahaharap sa kaukulang suspek habang patuloy naman ang follow-up operation ng pulisya para sa ikakaaresto ng iba.
