Nagpahayag si Governor Jose Riano ng kanyang pagbati at mensahe ng pag-asa sa mga mamamayan ng Lalawigan ng Romblon para sa nalalapit na Pasko at Bagong Taon.
“Sa aking mga kasimanwa sa Lalawigan ng Romblon, binabati ko po kayong lahat ng isang Maligayang Pasko at Manigong Bagong Taon,” ani Governor Riano.
Idinalangin din ng gobernador na maging masaya at puno ng pagmamahalan ang pagdiriwang ng Pasko ng bawat pamilya sa Romblon at nawa’y manatili silang nasa mabuting kalagayan.
Hinimok rin niya ang bawat isa na ipagdiwang ang diwa ng Pasko nang may pagkakaisa at pagtutulungan bilang pundasyon ng mas maunlad na lalawigan.
