Rider, nasawi matapos sumemplang dahil sa aso

Nasawi ang isang rider isang araw matapos itong maaksidente sa bayan ng Cajidiocan, Romblon dahil sa isang asong gala.

Umaga ng July 14 nang mangyari ang aksidente.

Ayon sa mga saksi sa aksidente, nasalpok ng rider na si Lamber Rocero ang asong nasa kalsada dahilan kung bakit ito sumemplang at tumilapon.

Hindi pa nakikilala sa ngayon ang may-ari ng puting aso na naging dahilan ng aksidente.