Pinagpapaliwanag ng lokal na pamahalaan ng San Fernando ang Altai Philippines Mining Corporation kung bakit nagsisimula na silang mag drill ng lupa sa Barangay Espana kahit wala pang kaukulang permit mula sa lokal na pamahalaan.
Ito ay matapos kumalat sa social media ang video ng mga tauhan di umano ng Altai Philippines Mining Corporation habang nagsasagawa ng drilling activity.
Sa sulat na pirmado ni acting mayor Rodelio Relox, kinumpirma ng lokal na pamahalaan na wala pang pinapasang permit ang Altai Philippines Mining Corporation sa kanila kaugnay rito.
Kailangang magpaliwanag ang Altai Philippines Mining Corporation sa loob ng 24 oras.
Tinungo rin ng San Fernando Municipal Police Station kasama ang DENR, at mga opisyal ng lokal na pamahalaan ng San Fernando ang lugar kung saan nagsasagawa ng drilling operation ang mga pinaghihinalaang empleyado ng Altai Philippines Mining Corporation.
May mga naabutan ang inspection team na mga extracted soil samples sa lugar.
