Isa ang naitalang nasawi at isa naman ang sugatan sa naganap na pamamaril kahapon sa bayan ng San Fernando sa Sibuyan Island, Romblon.
Sa ulat ng Romblon Police Provincial Office, patungo sina Michael Libot Ramirez, 34, at Winceslao Rocero Rezano, 66, sa kanilang taniman sa Sitio Lakdayan, Barangay Campalingo nang tambangan ng hindi pa kilalang suspek.
Tinamaan ng bala si Rezano na nahulog rin sa isang bangin, habang ang kasama nitong si Ramirez ay tinamaan sa dibdib at nahulog rin sa may kanal na naging dahilan ng kanyang pagkamatay.
Dinala sa San Fernando Rural Health Unit si Rezano na agad namang itinakbo sa Romblon Provincial Hospital sa Odiongan para doon gamutin sakay ng rescue boat ng LGU.
Nagsasagawa na ng imbestigasyon ang San Fernando PNP sa pinangyarihan ng krimen at possible identification ng posibleng mga suspek.
