Sugatan ang isang 45 anyos na babae sa Brgy. Limon Norte sa Looc, Romblon nang ito ay tagain ng isang Lolo matapos magkainitan sa daan.
Sa report ng Looc Municipal Police Station, bandang alas-9 ng umaga kahapon, April 6, nang mangyari ang pananaga.
Nag-ugat ang alitan ng dalawa nang harangain ng suspek na si Demetrio Taladtad, 71, ang biktimang babae sa pathway na dadaanan ng huli.
Habang nagtatalo ay bigla umanong bumunot ng bolo ang suspek at pinagtataga ang biktima sa iba't ibang bahagi ng katawan.
Agad na isinugod sa Don Modesto Formilleza Sr. Memorial Hospital ang biktimang babae habang si Taladtad ay kusang summuko sa pulisya.
Nakakulong na ngayon ang suspek.
