Nagbigay ng opinion sa ginanap na Local Candidates Forum si reelectionist Odiongan Mayor Trina Firmalo-Fabic sa iba't ibang issue na kinakaharap ng bansa at ng bayan.
Political Dynasties
Isa sa mga naitanong sa alkalde ay kung ano ang opinion nito sa Political Dynasties.
Sinabi ni Fabic na siya ay sumasang-ayon sa isang batas na nagbabawal sa Political Dynasties dahil naniniwala umano siya kung ang isang pamilya o grupo ay masyadong matagal na sa kapangyarihan ay posibleng mawala ang efficiency at effectivity ng good governance.
“Ako po ay sumasang-ayon sa isang batas na nagbabawal sa political dynasties but ofcourse dapat malinaw ang mga terms na nakapaloob rito,” pahayag ng alkalde.
Paliwanag nito, pagdating umano kasi sa Political Dynasties, kung ang isa o dalawa sa pamilya ay nasa pwesto na, parang naitutulak umano nito ang ibang kamag-anak na tumakbo rin.
Bagama't sumasang-ayon siya sa panukala, dapat rin umanong tingnan ng publiko ang mga nagawa, plano at plataporma ng bawat kandidato.
“Not so much just the political dynasty, but raising up the pamantayan ng mga botante sa kanilang mga inihahal,” pahayag pa nito.
“It's not really more of the surname but more of looking at the meritocracy, the accomplishments and achievements of a particular candidate,” dagdag pa nito.
War On Drugs
Sa tanong naman kung anong ginawa ng bayan ng Odiongan sa larangan ng kampanya laban sa iligal na droga.
Sinabi ng alkalde na nakipagtulungan sila sa iba't ibang stakeholders katulad ng mga kabataan sa pamamagitan ng Kabataan Kontra Droga at Terorismo o KKDAT.
“Yung mga kabataan natin, they are given seminar against illegal drugs in coordination of Romblon State University and other organizations,” pahayag ng alkalde.
Nakikiapagtulungan rin umano ang LGU Odiongan sa mga religious sectors.
“Meron po tayong Inter-Faith Council kung saan nakapaloob ang lahat ng simbahan at sekta dito sa bayan ng Odiongan. Sa tulong ng Inter-Faith Council, sila po ay nakakapagbigay ng payo at programa para sa ating mga drug surrendeeres as well as ‘yung mga posibleng mahikayat sa droga,” paliwanag ng alkalde.
Nagpapatuloy rin umano ang mga programa ng gobyerno kagaya ng mga training sa Technical Education and Skills Development Authority (TESDA) at mga livelihood assistance mula sa LGU at National Gov't.
RICE SUPPLY
Nagbigay rin ng opinion ang alkalde kung paano mas mapapalakas ang rice production sa buong bayan.
“Ang kailangan po nating gawin lalo nating paigtingin ang rice production by also looking at high yielding varites. Also the use of irrigation para instead na dalawang croppings lang ay nakaka-tatlong cropping ang ating mga rice fields,” pahayag ng alkalde.
Magbibigay rin ang LGU ng suporta sa mga magsasaka sa pamamagitan ng pagbibigay ng mga water pumps, fertilizer at seeds.
Hindi umano sagot ang babawal na mai-convert ang mga lupaing pang agrikultura para tumaas ang rice production ng bayan.
“I don't think that's the right approach. More developmental approach maybe to balance both na meron tayong certain percent lang for convertion pero ‘yung ating mga rice lands ay tulungan natin na ma-maximize ‘yung mga yields,” dagdag pa nito.
Si Fabic ay dumalo sa nasabing forum kasama ang mga ka-grupo sa Liberal Party at Aksyon Demokratiko. Dumalo rin sa forum ang apat na independent candidates sa pagka-Sangguniang Bayan ng Odiongan.
