Sang-ayon si Vice Mayor Diven Dimaala na gawing televised at i-livestream sa social media ang mga session ng Sangguniang Bayan ng Odiongan.
Ito ang sagot ni Dimaala nang matanong sa naganap na Local Candidates Forum 2022 sa Odiongan nitong April 9 nang gabi.
Sinabi ni Dimaala na simula pa nang maupo siya bilang konsehal noong 2014 ay meron nang proposal parin gawing televised ang session sa konseho.
“Handa po akong gawin ‘yun para naman malaman natin kung sino talaga ang hindi uma-attend sa ating session,” pahayag nito.
“Dapat ngayon talaga sa second term ko, ite-televised talaga natin itong ating session para malaman talaga kung sino ang hindi umaattend ng ating session at kung sino ‘yung nago-oppose sa lahat ng programa ni Mayor Trina Firmalo-Fabic,” pagsang-ayon ng bise alkalde.
Si Dimaala ay tumatakbong muli sa pagka-bise alkalde ng bayan sa ilalim ng Aksyon Demokratiko.
