Nasunog hating gabi kahapon ang isang gusali ng Josefina Fetalino Malayo Elementary School sa Barangay San Roque, Calatrava, Romblon.
Sa ulat ng Calatrava Fire Station, bandang ala-una ng madaling araw nang makatanggap sila ng report na may nasusunog sa paaralan kaya agad silang nag responde sa lugar.
Itinaas hanggang second alarm ang sunog dahilan upang mag responde pa rito ang mga firetruck mula sa San Andres at San Agstin. Naideklara ring fire out ang sunog makalipas ang isang oras.
Tinatayang aabot sa halos P1.5 million ang halaga ng nasunog na gusali at mga gamit na nasa loob ntio.
Patuloy pang inaalam ng Calatrava Fire Station ang posibleng pinagmulan ng nasabing sunog.
