May sampung may kapansanan ang makikinabang sa mga natanggap na donasyong wheelchair ng lokal na pamahalaan ngayong December 13.
Ang mga nasabing wheelchair ay kaloob sa LGU ng Buddha Light International Association at sa The Cao Zhong Zhi Foundation.
Sa flag raising ceremony ngayong umaga na pinangunahan ni Odiongan Mayor Trina Firmalo-Fabic, pormal na tinanggap ng LGU ang mga nasabing kagamitan na natanggap nila sa tulungan ng CSIBALE Inc. na kasalukuyang pinamumunuan ni Dr. Leonie Firmalo, ina ng alkalde.
Ayon sa Odiongan Public Information Office, ang mga nasabing wheelchair ay malaking tulong hindi lamang sa mga taong may kapansanan higit lalo sa mga kapamilya na nag-aalaga sa kanila.
Mas maayos na kasi silang makakagalaw-galaw sa loob ng bahay.
Mas magiging madali na rin para sa kanila kung sakaling kailangang umalis ng bahay sakaling kailanganing magpa check-up.
