Hindi lamang paglabag sa IATF guidelines ang kakaharapin ng isang lalaki sa bayan ng Odiongan, Romblon na sinita ng mga otoridad matapos mamasyal sa Odiongan Children’s Park and Paradise nang walang suot na face masks.
Ito ay matapos mahulihan ang suspek ng di umano’y dahon ng marijuana na nakalagay pa sa isang heat sealed sachet noong mismong araw ng Pasko.
Ang suspek ay kinilala ng pulisya na si Juvie Morgado Fontamillas, 29, residente ng Sitio Torrel, Barangay Dapawan.
ADVERTISEMENT
Tinatayang aabot sa P200 ang estimated value ng nasabing dahon.
Ipinadala na ito sa Romblon Provincial Crime Laboratory Office para suriin.
