May natukoy na at naarestong suspek ang San Andres Municipal Police Station sa pagpatay sa Barangay Kagawad ng Victoria, San Andres, Romblon.
Ang suspek ay nakilalang si Manuel Mangao Gan, 40, residente rin ng nasabing barangay.
Ayon sa pulisya, positibong kinilala ng witness na si Marvin Galanga Mangao ang suspek na bumaril sa ulo ni Kagawad Jolly Dela Cruz Modesto.
Sinabi rin umano ni Mangao na narainig niya ang suspek noong nakaraang mga linggo pinagbabantaan ang buhay ng biktima.
October 30 ng tanghali nang barilin ang biktima sa ulo habang ito ay nagbabalot ng mga copra sa Sitio Binoog kasama ang witness.
Nakarinig nalang umano si Mangao ng putok mula sa hindi pa alam na direksyon at sinundan ng pagtumba ni kagawad.
Nakakulong na ngayon ang suspek at mahaharap sa kaukulang kaso.
