Nitong 19th ng Hulyo 2021, naglabas ng Executive Order No. 30, series of 2021 si Governor Humerlito A. Dolor ng lalawigan ng Oriental Mindoro, upang payagan ang mga manlalakbay patungo sa lalawigan ng Oriental Mindoro na makapasok nang hindi na kakailanganing magpakita ng negative result ng RT-PCR o Rapid Antigen Test, kung ang mga ito ay fully vaccinated na. Maraming mga netizens kahit pa mga Romblomanons ang napa-comment na ‘Sana All', na nangangahulugang sana gawin din ito sa provinsya ng Romblon.
Ang tanong, dapat na nga bang alisin din ng probinsya ang requirement ng negative RT-PCR sa mga travelers na pumapasok sa probinsiya?
Ang sagot po dyan ay – depende sa status ng vaccination sa lalawigan o kung ang lalawigan ba ay dumating na dun sa punto ng tinatawag na ‘herd immunity', kung saan nakararami na sa populasyon ang nabakunahan o kaya ay nakapagdevelop na ng immunity (sila ‘yong dating na-infect na ng Covid-19 at gumaling).
Kapag hindi pa majority sa population ay fully vaccinated o immune, isa pong malaking ‘sugal' at mataas na risgo kapag alisin ang requirement ng negative RT-PCR, kahit pa ang traveler ay fully vaccinated. Bakit kamo? Hindi po kasi ibig sabihin na fully vaccinated na ang isang tao, sya ay hindi na carrier ng virus. Kapag ang isang fully vaccinated na tao ay nakihalubilo sa mga taong may dala ng virus, dadapo pa rin sa kanya ang virus, ‘yun nga lang dahil sya ay may immunity na dahil sa bakuna ay hindi na ito eepekto sa knya – di na sya magkakasakit o makikitaan ng sintoma ng virus, pero ang katotohanan, sya po ay may dala-dalang virus.
Ngayon, kung itong fully vaccinated na may dalang virus (virus carrier) ay nakihalubilo sa taong hindi pa nababakunahan o wala namang immunity, maipapasa nya sa taong iyon ang kanyang dalang virus at magreresulta ito sa virus infection pa rin. Sa madali't sabi, hawa-hawa pa rin at ang silent carrier ng virus e, yung mga taong fully vaccinated na.
Katulad lang yan sa computer virus, installan mo man ng anti-virus ang computer mo, pero idi-disable mo naman ang proactive scanning nito, ay napakataas pa rin ang tsansa na makapinsala ang virus sa computer mo.
