Nagpaalala ang Santa Maria Municipal Police Station sa publiko na umiiral na sa bayan ng Santa Maria, Romblon ang pagbabawal ng alak kasabay ng pagpapatupad ng enhanced community quarantine sa bayan at sa ibang lugar sa Luzon dahil sa coronavirus disease 2019 o Covid-19.
Hiniling ng kapulisan sa publiko na makiisa at sumunod sa mga batas na pinaiiral sa bayan para sa kaligtasan umano ng lahat.
Ang liquor ban ay base sa Executive Order na pinirmahan ni Mayor Lorelie Fabon noong nakaraang Biyernes saan ipinagbabawal muna ang maglasing, manlibre sa inuman, at magbenta o bumili ng beer, liquors, wines, at iba pang nakakalasing na inumin hanggang matapos ang ‘lockdown' sa April 13.
Inatasan niya rin ang mga pulis at mga punong barangay na hulihin ang lahat ng lalabag sa nasabing kautusan.
