Sa ospital ang diretso ng magka-angkas na rider sa San Andres, Romblon matapos sumemplang ang sinasakyan nilang motorsiklo dahil sa isang asong tumawid sa national road sa Barangay Matutuna.
Ayon sa mga saksi sa aksidente, binabaybay ng rider na si JR Gan ang kahabaan ng national road patungong Poblacion nang masalpok nila ang isang aso na pagala-gala sa national road.
Nagtamo ng head injury ang rider na si Gan habang galos naman ang natamo ng angkas niya. Agad na isinugod sa Romblon Provincial Hospital ang mga sakay ng motorsiklo para gamutin.
Dumating na sa pinangyarihan ng aksidente ang mga tauhan ng San Andres Municipal Police Station upang magsagawa ng imbestigasyon kaugnay sa pangyayari.
