Tiklo ang isang empleyado ng gobyerno matapos maaresto sa isinagawang anti-illegal drug buy-bust operation ng mga kapulisan kasama ang Philippine Drug Enforcement Agency – Mimaropa nitong hapon ng Martes sa bayan ng Looc, Romblon.
Ayon sa Romblon Police Provincial Office, ang suspek ay kinilalang si Herbert Gaa, 35 anyos, empleyado ng Office of Provincial Agriculture.
Hapon ng Martes ng ikasa ang operasyon ng mga tauhan ng Provincial Drug Enforcement Unit, Provincial Intellegince Branch, PDEA-Mimaropa, Looc Municipal Police Station, at Provincial Mobile Force Company, laban sa suspek sa Barangay Limon Norte.
Nabilhan di umano ng asset ang suspek ng isang sachet ng pinaghihinalaang shabu na may halagang P1,000.
Maliban rito, sinabi ng pulisya na nakuhaan rin nila ang suspek ng isa pang sachet ng pinaghihinalaang shabu na nagkakahalaga naman di umano ng P25,000.
Nakakulong na ngayon ang supek sa Looc Municipal Police Station habang inihahanda ang ikakaso sakanyang paglabag sa Republic Act 9165 o mas kilala bilang Comprehensive Dangerous Drugs Act.
Walang pahayag ang suspek.
