Buntis na dolphin na napadpad sa dalampasigan, nailigtas

Nailigtas ng mga residente ng Barangay Tugdan sa Alcantara, Romblon ang isang dolphin na napadpad sa dalampasigan nitong Martes ng umaga, February 11.

Ayon sa mga residente sa lugar na nakausap ng Romblon News Network, bandang alas-6 ng umaga ng mapansin nila ang isda na nasa dalampasigan, nalaman nalamang umano nilang dolphin nang lapitan na nila ito.

Huli na rin nilang napansin na buntis pala ang may mahigit isang dipang haba na dolphin.

Dahil malakas pa naman ang tinatayang 50 kilong dolphin at hindi nakitaan ng sugat, pinagtulungan nalang itong dalhin ng mga residente at mga opisyal ng Barangay sa malalim na bahagi ng dagat para palanguyin palayo.